EL MIO OMENAIO

                   EL MIO  OMENAIO.

                              Honório Tonial

 

 

Salve el vinti de maio

Dì de onor dea talianità

Con profonde radise de stòria

Dea coraiosa imigrassion

Registremos la  bela memória;

Ndemo a casa de Stefano Crippa

E dea  so dona Natalia Galiani

Intesi co i so trè   cari fioi

A Milano, sità dea lombardia

Con profonda nostalgia

La so mudansa pareciar:

Semense, strumenti e nissoi...

Al  Brasile ghe toca ndar.

El so visin Luigi Sperafico

So caríssima sposa Angelina,

Mama de cìnque fioleti

Indafaradi con tanti pareci

Tuti con senso pràtico

I fará parte de questa  aventura

La so dota  cosi picinina

El longo viaio traverso el  mar

Pieni de fede e sensa premura

Al Brasile ghe tocarà rivar

Radaelli

 E so sposa Maria

A poco tempo maridadi

Anca  lori determinadi

I partirà in compagnia

Co la so pìcola mudansa

Due baui  de speransa

Sensa nessuna paùra

\Travessar  la note scura

Al Brasile ghe toca ndar.

E pròpio ai vinte de maio

A Nova Milano i zé rivadi

Munissìpio  de Farroupilha

Ntel rancio de un búlgaro ospedadi

In quel giorno legendário

La emigrassion Taliana scominsiada.

Anca fredo e lagrime ntea prima strada

E tuto parea fato aposta

Ntea giornada  proposta

Marcando el di dea imigrassion

Co la ricerca de Rovilio Costa

Dea nostra santa religion

Sempre pronto a la risposta

A qualssia indagassion.

Ai frati capucini

I nostri primi imigranti

Na giusta riferensa

No solo ai afari divini

Ma anca la sabia presensa

In tuti quanti laori

Dei oriundi agricultori

El nostro ringrassiamento

In questo bel momento.

I nostri bravi taliani

Volemo omenaiar

El so  parlar de tanti ani

Doveremo rissalvar .

Insieme con nova cultura

Resgatando la natura

Renovando la agricultura

Com coraio e sensa paura.