LA PUTANA

La putana.

 

La Filomena lera na dona pi avanti del so tempo. Seanca la zera de star meso distante dea vila, ntea so casa ghenera sempre qualche vìsita.

 No la se ga mai maridà parvia che, arquanti ani indrio, un toso dispetoso el la ga assada con un popin in brasso e lu el se la ga tolta.

 La se ga ciapada sola parché la zé diventada la desgràssia dea fameia.. So pupà el la ga parada via de casa e la zé diventada na pora grama. .Sola,,ghe tochea soravivere.

 Par alegressa dei òmeni del paese, la ga scominsià a far quel mistier.

 Le done le Zé diventade cative parche i òmeni i disea che i ndea  ntea budega ma tanti i ndea la pinciar.

Seanca i zera pochi abitanti nte quel tempo, la Filomena la gavea laoro. El prete el restea cativo parche la fea el laoro come la Maria Madalena  dea Biblia

 La zera tegnesta come na dona che la gavea el diaolo ntel corpo e ntea ànima

.Co la ndea in cesa, lu no ghe dea mia la òstia dea comunion.. Gnanca el ghe perdonea mia  i pecati

. Dopo arquanti ani la zé morta e bisognea sepolirla.

Ghe vegnesto fora na granda barufa parche, come la gavea bio na vita de putana, el prete no volea mia sepolirla rento ntel simitero insieme dei altri. Par finirla i la ga sepolia dea banda de fora dei muri del simitero, darente na pianta de angico, come se no la fusse mia fiola da Dio.

 Anca i preti, te quel tempo, i fea dele so matità. E ela la comandea la vita de tuti.

 

Colaboratore: Luiz A. Radaelli – Lajeado - RS