Le bissighe ntei pie
Le prime scarpe che se metea ntei pie, lera quando se ndea far la
prima comunion. Scoasi sempre quele dei fradei pi veci.
Dopo tanto patir par imparar la dotrina che lera un mucio
de busie che i prèti ne volea insegnar, come quela de che dopo dea mesanote del
sabo, no se podea magnar parche se ndea ciapar la partícula dea comunion.
A le oto dea matina, co la cesa pronta e pareciada co
I fiori, i sonea le campane.
La messa i la tirea pi longa chel ano dea fame.
Pi de na olta sucedea che qualchedun el rivea al punto de desmaiar.
Tusi e tosate, insieme ai so santoli, pareciadi come
che se podea, i ndea rento in cesa.
Se no bastasse el
prete ghenera anca el vesco co la baretina rossa ntea testa.
Quel dì go pátio che mai. Come no zera mia costumà a
caminhar co le scarpe, dopo un poco de tempo me zé vegneste le bissighe de aqua dadrio
i calcagni. Come no dea par cavar le scarpe, ste bissighe le se ga sbusae e le ga
fato tacarse i calseti co la carne e ga fato pi mal ncora.
Se gavarò la grassia de viver sento ani, no
desmentegarò mia quel dì.
Incora ben che no
la ga tocada solche a mi.
Anca a arquanti altri che i zera insieme a mi a far la
prima comunion i fea fadiga caminhar co le scarpe nove.
Lè verità el
provérbio chel disse che “scarpe nove le fa mal ai pie”.
Colaboratore: Luiz A. Radaelli – Lajeado- RS
Come gheto dito: "ancora che questo no'l ga mia sucedesto solche a mi !" Alora son qua drio dirlo: questa i me la ga petada anca a mi !...Beter ntei pìe le primi bicanche si adeventea ntel un vero suplìssio ! No se podeva caminar trenta metri sensa lassar la di vegner fora le bessighe ntei calcagni ! El pedo ze che no zera solche la prima volta che se meteva i bicanche ntei pìe che si adeventeva quei mistieri, parché , sensa soldi ntel scarsela, ghe ocoreva doperar el medèsimo " ghides" par due o trè ani, cossita ògni volta si strucheva depì i dei che le óngie si storteva tute! I cossa dirlo sora le stivai di goma ( sete lègoe ) che se meteva ntei pìe?! Zera trè ore par méterli i nantre due ore par cavarli via ...rsrsrs....Dopo di parlar sora tuto questo, no daghe gnanca par lassar un " strucon " a tuti, che ghe fa fin pecà, mia vero ?!
ResponderExcluir