PAULO MASSIOLINI ( Con la coression de Honório Tonial)

Cari Compagni

Con orgòlio e tanto onor, gavemo el piaser de dir a tuti valtri, in spessial dopo del ricognossimento dea LINGUA TALIAN come RIFERENSA CULTURAL BRASILIANA – PATRIMÒNIO CULTURAL IMATERIAL DEA REPÚBLICA FEDERATIVA DO BRASIL (18/11/2014), che el nostro status come promotori e difusori dea Lìngua Talian – Vèneto Brasileiro ze deventà na stòria fantàstica.

Spieghemo  la nostra sodisfassion, parche questa bona notìssia la ze vegnesta fora ntei prinsipai mesi de comunicassion, o sia, giornai, reviste, television, etc, in spessial ntel Brasil, Itália e ntea Amèrica Latina.

Nò ghe ocore dir che solamente qua sparsi in tuto el Brasile, gavemo pròpio tanti seghidori.
 Depì de 200 stassion de ràdio le transmite, al manco una volta a la stimana, programa specìfico ntea Lìngua Talian.

In Brasile, giornai: Zero Hora, Correio do Povo, Folha de São Paulo, Correio Riograndense, Gazeta Regional, etc. Reviste: Revista Talian, “Insieme?”, Comunita Italiana, etc. Television: RBS Caxias do Sul, RBS Porto Alegre, Rede Globo de Televisão - Telegiornal Hoje, SBT Cascavel, SBT Nacional – Telegiornal da noite, TV Senado, etc.

Invitemo a tuti a veder queste pressiose notìssie ntel Yotube, o sinò ntel sito dea Prefeitura Municipal de Serafina Corrêa.com.br.

Par finirla,  la ze pronta la materia giornalìstica che vien fora questa stimana, pol esser ancoi, ntel pi grosso telegiornal e com la pi granda audiensa ntel Brasile: Jornal Nacional – Rede Globo de Televisão.

“Invitemo a tuti a veder con tanta atension, perche ze la nostra léngoa che parlarà per tuti noantri”.

Un gran strucon de vero cuor.

Dr. Paulo Massolini

Presidente FIBRA

Responder, Responder a todos ou Encaminhar | Mais