ROBERTO GIOVANNI ZANIOLO

09/01/2015 - Auguri - Auguri - Auguri

Genaro 2015

Amissimondoveneto, AUGURI – AUGURI – AUGURI – AUGURI – AUGURI

Auguri sora – Auguri soto – Auguri a destra e auguri a zanca………………………

Finalmente pin pianeo

le Feste zé nda via

e ghemo messo via

anca l´albareo!

Montagne de auguri  dati,

montagne de auguri diti,

montagne de auguri scriti,

dove zei ndati?

 Ormai no se ghe ne parla pí…

I auguri na volta fati

i zé boni 365 dí

Auguri – auguri – auguri….

Auguri de felicità…

ma cossa ghin soi mi?

auguri de pace e tranquiitá…

ma semo proprio sicuri

che i se averará?

Auguri de tanta saeute…= séntate, magna, bevi, fuma tuto quanto che te capitará…

Auguri de tanta pace e serenità…= séntate e speta, te vedaré che ´l mondo cambiará…

Auguri de “tante bee cose”…= férmate e speta védare cossa che te vegnará…

Auguri de questo, auguri de queo, auguri e basta…= cossa che vol dire, chi lo sa?

Caro amigo,

desso che ormai le feste zé passá

e dei auguri ricevudi se ghemo forse desmentegá…:

“amissimondoveneto” ve áugura de avere la forsa e´l corajio

de farve sú le máneghe de bona lena ogni dí

par sercar de cambiare ´l mondo in mejio

sempre mejio che podí,

che sentarse, fermarse, spetare che le “cose” te vegna dosso

a zé un “augurio-paradosso”

che no fa ne par ti ne par mi 

Sentenari de risposte ghemo ciapá anca sto ano

dai amissimondoveneto sparsi par tuto ´l mondo,

e, nea dificoltá de rispóndarghe a ognuno par ringrassiare

go pensá de de far cussí,

seliendo i mesassagi pí significativi e condivídarli co ti! 

Un abrasso e un strucón,

na bea paca so ´na spáea

par farte corajio,

e sentimo inte a próssima ocasión!

Roberto Zaniolo, amissimondoveneto