AL SO POSTO

AL SO POSTO
Go imparà da picinin che ogni cosa ga el so posto.
- Se pol catarla anca a scuro..! Costumea dir el me pupàa.
Alora, adesso che laoremo par risgatar, conservar e difundir el Talian Veneto bisognarà chel gapia el so posto. No podemo mia misturarlo con altre lìngue o i dialeti senò saremo drio far un buso ntea sàbia.
Lo gavemo scrito, ben ciaro ntel prospeto che gavemo publicà anca ntel Blog do Talianeto.
Com la rissalva dee parole idiomàtiche e neologismi de ogni region o posto.
- Come risponder a quei che scrive ntea língua francesa?
Se volemo salvar el nostro Talian Veneto bisogna no misurarlo co altre maniere de parlar.
Dovemo rispetar le picolé diferense ntrà i propii véneti parché se lê
e capisse lostesso:
Finimo e finisson Ndemo e andon Me e mio....e cosi avanti.
Con la union de tanti faremo la salvassion del Talian Veneto.
Grassie a tuti,


Dovemo leder, sciver, pensar, parlar e difonder la língua dei nosti antenati.
A
Salvando el idioma salvaremo anca la cultura, i costumi, i ricordi, i sentimenti dei nostri noni , bisnoni e dei so dessendenti.
Erechim, Brasil, marso de 2009-
Honório Tonial