PARTISSIPANTI

P A R T I C I P A N T I
La ASVIRMONTAVE la saluda i véneti nel mondo e la se torna acessìbile a tuti i Italiani e Taliani del Mondo.
La Assossiassion Virtual Mondial del Talian Veneto la someia na montagna piena de tesori e com na infinita grandessa.
Gavemo scominsià el viaio in diression al Cúlmine Virtual.
La strada la zé drio vèrdarse partindo de tute le parte del mondo onde cataremo dessendenti dei nostri antenati .
Se gavemo messo in strada, con la partissipassion de abitanti dea Itália, Brasil, Germania, Argentina, México, e Stati Uniti.
- E, no gavaremo mia fradei de sangue ntel Canadà, Francia, Swissera, Belgica e tante altre parte del mondo ..?
- Come far par invitarli anca lori ?
Par ndar avanti, su par la montagna dopararemo come veìcolo el Talian Veneto chel ga belche deventà na nova-vecia língua, spèssie ntel Brasil, in via de ricever el registro come “Bem Cultural Imaterial” del Ministero dea Cultura.
El novo prospeto dea ASVIRMONTAVE el ga par finàlità màssima el risgato del novo idioma chel registra la giunsion dei pi diferenti dialeti con predominansa del véneto e denominà TALIAN in tel Brasil e TALIAN VÉNETO.ntel mondo.
La unificassion de questo fàcile e sémplic parlar la deventarà un miracoloso prodoto virtual a recordar e ringrassiar i nostri antenati che i zé stati i vencitori dea onstrussion dea atualità italiana.
.Col aiuto de ogni uno rivaremo al tesoro..!

Erechim, aprile de 2009-
Honório Tonial
Mentor dea ASVIRMONTAVE del Brasil
Ary Vidal
Presidente e divulgador del Talan Véneto ntel Brasil.