LE CARESSE

E CARESSE DE ME PARE.

DEE OLTE SERCO
E CARESSE DE ME PARE
IN TEA MEMORIA DE EORA…..
IN TEA MEMORIA
DE QUANDO CHE CEO ,
ME SENTAVO SUI ZANOCI ,
SUI ZANOCI DE ME PARE .

CERCO E CARESSE DEA SO MAN
MA STENTO A CATARE ,
O FORSE STENTO A RICORDARE.
E CARESSE , E CARESSE DE ME PARE.

SENTO , DESSO , COME EORA
EL RUSPIO DEA SO BARBA
SUI ME CAJGI , SO A ME MASEA .
L’ODORE DE ME PARE ,
MA E SO CARESSE ,
STENTO A RICORDARE ….

A SESSANT’ANI ,…..
FORSE NO GA SENSO
SERCARE STE ROBE DEL PASSA’,
FORSE , BASTA VARDAR VANTI ,
E FARGHE NA CARESSA A TO FIOI ,
MA XE PI FORTE DE MI ,
OGNI DI , OGNI ANO CHE PASSA ,
ME VOLTO A SERCARE
IN TEL TEMPO DE EORA ,
CHEE PICOE ROBE
CHE GA ASSA’ EL SEGNO
CHE ONCO’ SENTO MANCARE ,
DESSO CHE CHE NO POSSO PI ,
SENTIRME SFIORARE ,
DAE CARESSE ,
DAE CARESSE DE ME PARE .


ZANIOLO ROBERTO
Queo da Villa del conte - 2009