Roberto Giovanni Zaniolo - dea Germani

Ze sta par mi un gran onore aver possudo fare a casa mia, co tuta semplicitá e modestia,

´l benvegnesta a Cindy Peixoto,

in rapresentansa de tuti i amissimondoveneto, ´na "Associassión Virtuáe Mondiáe Talian Véneto"

che se proponemo de tegner amicissia co tuti i veneti del mondo,

in modo speciáe co quéi che ghe bate ´ncora ´l core veneto,

che conserva ´a lingua dei so bisnoni,

le tradissión e l´amore par á vecia tera lontana dei antenati.



Come che ze stá un grande onore par mi

che la mama stessa de Cindy, la Signora Declei me ghesse mandá l´invito

a partecipare del incontro deá deegassión de Veranópolis a Porto Viro,

e che a gavaría vudo caro che ve incontrasse,

ma che purtropo no podaró éssarghe... parché so in Germania par laoro e no posso abandonare cussí fássie!!!

ma ´l me core sará co vialtri

e se trové un momento de spassio...: serché de ricordarve de mi che saró lá...

anca se no me vedí.



Ma ze un onore grando par mi anca poderve scrívare,

che á Signora Declei me ga mandá i vostri indirissi,

e... che ve go za zontái sol grupo dei "amissimondoveneto" sperando che ve fará piassere.



Ve áuguro con tuto ´l core che tuta ´a manifestassión

´a riessa p´che puito,

e che la amicissia de sto gemeagio no sóeo ´a dure,

ma che a cressa ogni d´sempre de pí.

Che a se slarghe pí in á dee frontiere del poésine e del Brasíe.

Amicissia Universae!



Sensa gnancora conóssarve

ve dó ´na abrasso streto streto e forte forte

parché si amissi dei amissimondoveneto!



Insieme a questa létara ve mando anca e fotografie scatáe a casa mia co Cindy,

e, se gaví ´l modo de farlo,

ve pregaría de stampare quéa doe che ´a ze col masso de fiuri

col nastro dei coiuri del Brasíe che "imbrassa" ´a pícoea bandiera italiana...:

in rapresentanza de tuti i amissimondoveneto che ´a setimana prossima

no podará éssare a Porto Viro.



Col core ´ncora na lta:



Roberto Zaniolo, dáea Germania





(PS.: profito a mandare ´na copia de sta létara anca aun pochi de amissimondoveneto che forse conossí za. Grassie.)