Al tempo dea seconda guera mondial lera proibio parlar Talian,
Tedesco e Nipónico.
Quanti taliani i è ndai in preson par ver cantà in
Talian. Ma no se savea altre cansion!
No se gavea
la ràdio o altri strumenti de
comunicassion. Solo la vitrola menada a man.
Un bel sabo, a Sananduva, ga scominsià a piovar a
sece reverse.
In colonia
no se podea ndar.
Alora, tanti coloni i profitea par ndar al paese
comprar qualche bisogno e saver el prèssio dei prodoti dea colonia: formento,
milio, i porsèi, le galine, i ovi, le patate dolse, el riso....
Rivando la ora de disnar i ndea ntel budegon de
Tomelero e i magnea: Pan, salame, formaio e latine de sardele.
Un cicheto de caciassa prima, e dopo vignia el
garafon de vin tinto dea colonia.
Dopo disnar i zughea el trissete e la brìscola;
ogni tanto, un goto de vin.
Un bel sabo i se ga inciucà e ghè saltà fora na bruta barufa.
Brassi spacadi a caregade, ghigna smacada, sangue
da naso e altri ferimenti.
I ga verto un grando processo!
A Sananduva no se gavea la Comarca parché lera un
distrito a quel tempo là.
Solo
ntel munissìpio de Lagoa Vermelha distante passa sincoanta
chilòmetri.
Co la strada de pura tera, quando piovea, la ligna
la se intolea e alora, solo le done e i tosatei i stea sentadi ntel ónibus. I
altri ghe tochea farsù le braghe e urtar ntel baro, par ndar
vanti co sta condussion.
Pròpio el di dea prima audiensa ga piovesto.
I barufanti e i testimònii i è ndai rento ntel
Foro tuti imbaradi.
El giùdice e i avocati i ga fato na bruta ghigna.
Scominsiada la audiensa, el giùdice el dimanda:
- Chi elo el paron del budegon ?
- “Só
eo”, ga rispondesto el Tomelero, meténdosse
impié.
- O que é que o senhor viu no ato da briga?
-
Eo tava lavando biceri
Davanti sta risposta confusa, el giùdice el gà
trasferio la audiensa par nantro di.
Intanto i avocati i ga fato na consiliassion:
Pagar el dano del budegon, dimandarse scusa intrà
de lori e viver in pace.
I avocati i ga recheresto el archivamente dea
question.
Incora incoi le persone pi vece le congnosse sta storia
che se la ripete par risponder serte dimande:
EO TAVA LAVANDO BICERI!!!.
Nenhum comentário:
Postar um comentário
Gostaria de receber comentários referentes aos ssuntos expressos no Blog do Talianeto